PAMANTASAN NG KATIPUNAN

Ang Kauna-unahang Pamantasan ng Katipunan

Sa isang bansang katulad natin na mayroong isang kolonyal na nakalipas, mahalaga ang pagbabalik-tanaw natin sa mga institusyon at kaalamang nagkaroon ng bahid ng ating mga kolonista—at kasama sa mga institusyon at kaalamang ito ang ating sistema ng edukasyon, halimbawa, na pangunahing nagkakalat ng kaalaman sa ating kasaysayan partikular na sa Katipunan sa mga dapat  at gustong makaalam.

Dahil galling sa ating mga kolonista ang mga naging kasangkapan, at sangkap, na ginagamit natin sa pagsulat at pag-uunawa ng mga pangyayari ng 1898, naroon ang tagong panganib na maaring maging taglay din natin ang mga huwisyo at pagtanaw ng mga kolonista, maging sa ating sariling pagtanaw sa ating sarili, o sa ating kasaysayan. -( M.S.Valdez-K.M.Cortez)

Sa mga nakalipas na panahon nabantuan na ng mga maraming salaysay, pagiisip at pagpapaliwanag patungkol sa samahan at tagapatnugot nito na nagbukas ng pintuan patungo sa kalayaan-Ang Katipunan at Ang Ama ng Himagsikan.

Mula ng ito ay maagaw ng mga ilustrado at nagkukunwaring ilustrado na nagmamahal sa bayan nagkaroon ng malaking pagbabago sa pananaw, prinsipyo at pakikipagbaka ang ating mga ninuno. Na hangang ngayon ay nadala at namana ng mga kasalukuyang nakaupo sa pamahalaan.

Ang diwa at kaisipang ito ay ang babakahin ng mga nakakaramdam ng totoong pagmamahal sa bayan hindi ang marahas na pagdanak ng dugo ang sagot sa mga suliraning panglipunan ating kinakaharap. Katunayan marami ng nagbuwis ng buhay alang alang sa kalayaan ng bayan ngunit hindi pa rin matukoy saan naguugat ang pagsisikil nito.

Sa panahong natapos na ang madugong pakikipagbaka nakita ng mga dayuhan na kaya nating mag alay ng buhay para sa kalayaan ng bayan. Wala tayong kamalay malay sa panibagong pakikipaglaban na kanilang pinaghandaan gamit ang edukasyon, media ,politika at relihiyon- ang pagsugpo sa kaisipan at damdaming makabayan. Hangang ngayon nanatili silang nagwawagi sa nakararami nalalasap nila ang pagtatagumpay ng kanilang taktika upang malansi ang ating mga kababayan at patuloy na tangkilikin kung ano man ang isusubo nila sa ating mamayan.

Ang mga bagay na ito ay kailangan ng maigting napagsusuri at pagaaral gaya ng unang pangungusap sa Dekalogo ng Katipunan mga katungkulan ng mga anak ng bayan "Ibigin mo ang Diyos ng buong puso" . Kailangan nating balikan ang mga natatanging kabutihan at katuwiran na pinasibol ng Dios sa ating lupang tinubuan kung kayat sumibol din sa puso ng Ama ng Himagsikan ang pagibig sa tinubuang bayan at sa kanyang kapwa na siya ring lumago sa kaibuturan ng puso ng Pamantasan ng Katipunan.

Life of Andres Bonifacio to be taught in college

Updated by: adminNational NewsApr 10, 2011